DE BLIJDE BOODSCHAP*

Iech zaot met kloppend hart veur d’n tv,
en dach: “Ziene Hoeglöstigheid zal toch wèl gewag make
vaan ’t tounummend geval vaan zeden?”
En jao huur, proomp waor heer begós, of iech huurde al:
decadentia, immorale, multi phyl ti corti rocci;
influenza filmi i cinema bestiale
contra sacrissima matrimoniacale
criminale atheistarum rerum novarum,
(et com spiritu tuo), cortomo:
nix aon de hànda.
Ut waor jaomer, dat ’t zoe kort deurde,
Mèr wie ut oet waor, waor d’r feijne meziek vaan ut leger.
Iech vin dit leve al geweldig. En astrein nog
’t iewige leve in d’n Hiemel. De’ vraogstich wèl uns aof:
“Boe höbbe veer ’t aon verdeend?”

[*De vertaler heeft zich 2 carnavaleske dichterlijke vrijheden veroorloofd.]

DAGSLUITING

Eigelek geluif iech geine mieter,
en twiefel iech aon al, zelfs aon Uuch.
Meh soms, es iech dink tot Geer werechteg leeft,
daan dink iech, tot Geer Leefde zeet, en einzaom,
en, in deezelfde wanhoup, tot Geer miech zeukt
wie iech Uuch.